लण्डनमा नाचे राजेश हमाल

धर्मराज अधिकारी, लण्डन, १ बैशाख । पांच दशकको उमेरमा पनि विवाहको खासै चटारो नभएका नेपाली फिल्मका महानायक राजेश हमाल हास्यकलाकार दिपाश्री निरौलासंग कम्मर मर्काइ मर्काइ नाचेका छन । चलचित्रको पर्दामा बाहेक स्टेज कार्यक्रमहरुमा विरलै भेटिने नायक हमाल सम्सारा युकेले बुधबार लण्डनमा आयोजना गरेको सम्सारा शुभकामना सांझ २०६९ मा यसरी नाचेका हुन । बांझो खेतमा छड्के सलाम छ मायांलाई पहिलो भेटमा भन्दै बेलायतवासी नेपाली दर्शकसामु उनीहरु छमछमी नाचे ।
दर्शकको आग्रहलाई आत्मासाथ गर्दै महानायक हमालले आफ्ना फिल्मी डायलगहरु पनि दिन भ्याए । म शंकर हुं शंकर, दुष्मनका लागि यो हात फलाम हो लगायतका केहि डायलगहरु उनले प्रश्तुत गरेका थिए ।

नेपालबाट आएका तितो सत्यका जोडी दिपकराज गिरी र दिपाश्री निरौलाले हास्यव्यङग्य मार्फत राजनेता, कलाकार, प्रहरी, डाक्टर, गायक सबैको व्यङ्ग्य गरे । उनीहरुले नेपालको समाजिक परिवेश र नेपाली कला, संस्कृतिमाथि तिखो व्यङ्ग्य प्रहार गरेका थिए । हास्यकलाकारद्धय गिरी र निरौलाले विभिन्न गितमा नाच देखाएर दर्शक दिर्घालाई थप सांगितिक उत्तेजना थपे ।
निरमायां रोधी घरका कलकारहरुको स्वागत नृत्यबाट शुरु सांस्कृतिक कार्यक्रममा गायक हिमाल सागरले आफ्ना नयां तथा पुराना गितहरु गाए । उनले न मैले लेखें, मेरी निशा लगायतका चर्चित गितमार्फत दर्शकहरुको वाही वाही बटुले । त्यस्तै कार्यक्रममा संयोजक गायक विवेक श्रेष्ठले तगारोमा रुमाल राखी, हङकङ पोखरा लगायतका गित गाएका थिए । युवा पुस्ताका चर्चित गायक क्रान्ति आले तथा दिपु गुरुङले दर्शकहरुलाई भरपुर मनोरञ्जन दिन भ्याए ।

सम्सारा शुभकामना सांझमा परदेशबाट छोराले घरमा फोन गरेको दृश्य झनै रोचक थियो । स्टेजमा हास्य कलाकार दिपक शर्मा (जुनीयर दिपक)को बाबु छोरा वार्तालाप दर्शकहरुले अनौठो मानि हेरीरहेका थिए । हुण्डी मार्फत नेपालमा पैसा पठाएका कलाकार शर्मा हुण्डीको पैसा भुक्तानी गर्ने नै भागेपछि हुण्डाई रोगका कारण बोल्दा बोल्दै बेहोस भएका थिए ।
बेलायतका लागि नेपाली राजदुत डा. शुरेसचन्द्र चालीसेले कार्यक्रमको उद्घाटन गर्दै राष्ट्रिय स्तरका कलकारहरुलाई लण्डनमा सम्मान गर्न पाउंदा आफुलाई खुशी लागेको बताए । सम्सारा युकेले बेलायतका नेपालीहरुलाई बैंकिङ प्रणाली मार्फत नेपालमा पैसा पठाउने र पाउने सहज वातावरण बनाएकोप्रति आफु आभारी रहेको राजदुत चालीसेले बताए । नेपालको अर्थतन्त्रमा सम्सारा युकेले पु¥याएको योगदान उनले प्रशंसनीय रहेको समेत स्मरण गरे ।

एन आर एन युकेका अध्यक्ष कुल आचार्यले नेपाली नयां बर्षको शुभकामना दिंदै सम्सारा युकेले गरेको बृहत शुभकामना सांझ अद्धितिय रहेको बताए । उनले नेपालको अर्थतन्त्रको विकास गर्न र आफुपनि विविध झमेलाबाट मुक्त हुन बैकिङ प्रणाली रोज्नुपर्नेमा जोड दिए ।

शुभकामना सांझमा आयोजक सम्साराका डाइरेक्टर राजाराम गिरीले दर्शकहरुको अपार मायां र सहयोगले कार्यक्रम सफल भएकोमा खुशी व्यक्त गरे । सम्साराको आयोजनामा भएको महान कलाकारहरुको जमघटले बेलायतवासी नेपालीहरुलाई नेपाली कला संस्कृतिप्रति जागरुक बनाएको गरीले विश्वास लिए ।
सम्साराको आयोजनामा भएका यस कार्यक्रम बेलायतका नेपाली समुदायकै इतिहासमा पहिलो बृहत कार्यत्रमm भएको आयोजकले दावी गरे । करीब ६ सयभन्दा बढि दर्शकले खचाखच इलिङ टाउनहलबाट दर्शकहरु ठाउं अभावका कारण दुखमनाउ गर्दै पर्किएका थिए । कार्यक्रममा बेलायतका सबैजसो कलाप्रेमी नेपालीहरुको सहभागिता रहेको थियो ।

१ बैशाख २०६९, शुक्रबार २१:१८ मा प्रकाशित

प्रतिकृया दिनुहोस

विशेष

सबै

चन्द्रमामा मानव जीवनको सम्भावनातर्फ नयाँ खुट्किलो : नासा

न्यूयोर्क । अमेरिकी अन्तरिक्ष एजेन्सी नासाले चन्द्रमाको सतहमा पानी रहेको पुष्टि गरेको छ । पानीको केमिकल कम्पाउण्ड पाइनु त्यहाँ..

दशैँको टीका लगाउन हिँड्नेको चहलपहल कम

दुर्गापक्षको मुख्य दिन आज मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं..

राप्रपा अध्यक्ष थापा अस्पतालबाट डिस्चार्ज

काठमाडौं । राष्ट्रिय प्रजातन्त्र पार्टीका अध्यक्ष कमल थापा अस्पतालबाट डिस्चार्ज भएका छन् । कोरोना संक्रमण..

गैरआवासीय नेपाली नागरिकता ऐन छिट्टै पारित हुने

लन्डन । संघीय संसद्, कानून, न्याय तथा मानव अधिकार समितिका सभापति कृष्णभक्त पोख्रेलले नेपालको संविधान २०७२ मा..

यो साता विदेशमा थप एक नेपालको निधन

लन्डन । विश्वव्यापी महामारी कोरोना भाइरस (कोभिड–१९) संक्रमणबाट यो साता विदेशमा थप एकजना नेपालीको ज्यान गएको छ ।..