‘मंसिर ४’ मा नभए नेपालमा चुनाव नै हुँदैन :: झलनाथ खनाल

० मंसिर ४ गते संविधानसभाको निर्वाचन होला ?
– मंसिर ४ मा संविधानसभाको निर्वाचन हुन्छ । त्यसका लागि हामीले ब्यापक तयारी गरिरहेका छौँ । राष्ट्रिय अन्तर्राष्ट्रिय सबै तिरबाट निर्वाचनलाई समर्थन प्राप्त छ । नेपालका मेजर पार्टीहरु निर्वाचनको पक्षमा छन् । अरु अधिकांश पार्टीहरु पनि अहिलेसम्म निर्वाचकै पक्षमा देखिएका छन् । नेकपा–माओवादीले के गर्ने हो भन्ने प्रश्न छ । उहाँहरुले पनि मंसिर ४ को निर्वाचनमा भाग लिएर कमरेड पुष्पलालले देखाएको बाटोबाट अघि बढ्नु पर्छ ।
० चुनावको मुखमा तपाईको पार्टीमा पनि आन्तरिक रुपमा विवाद छ नि ?
– हाम्रो पार्टीको केन्द्रीय कमिटिको २२ बैठक सम्पन्न भएको छ । त्यसले राजनीतिक प्रतिवेदन पारित गरेको छ । अहिलेको बर्तमान परिस्थिति र हाम्रो पार्टीको कार्यनीति के भन्ने कुरा स्पष्ट बनाईएको छ । देश भरीको परिस्थिति मुल्याङकन गरेका छौँँ । सबै विवादहरु मिलाएका छौँ। द्धन्द्ध भए पनि त्यो स्थगित भएर हामी एक भएर निर्वाचनमा होमिन्छौँ । अब नेकपा एमाले सबै भन्दा बढी निर्वाचनमा केन्द्रीत भएको छ र देशै भरी अग्रस्थानमा पनि रहेको छ । यसलाई कायम राख्दै निर्वाचनबाट हामी पहिलो पार्टी भएर आउँछौँ।
० राष्ट्रिय प्रतिनिधि परिषदको बैठक नबोलाएकोमा पार्टीमा असन्तुष्टि छ नि ?
– राष्ट्रीय प्रतिनिधि परिषदको बैठकमा हामी आवश्यकता अनुसार बोलाउँछौँ। अझै त्यो भन्दा बृहद राष्ट्रिय कार्यकर्ता भेला बोलाउने तयारीमा छौँ हामी । राष्ट्रिय प्रतिनिधि परिषदको बैठक भन्दा पहिला अर्को ठूलो बैठकको आवश्यकता परेकोले त्यसलाई स्थगित गरेको हौ ।
० तपाई कमजोर भएर फेस गर्न नसकेको कारण बैठक नबोलाएको रे नि ?
– बैठक हामी निरन्तर गरिरहेका छौँ । हामी निरन्तर तिखारिँदै गईरहेका छौँ । यसले पार्टीको एकतालाई अझै बलियो बनाएको छ । आठौँ महाधिवेशनमा एमालेमा १ लाख ३८ हजार कार्यकर्ता थिए भने अहिले ३ लाख कार्यकर्ता पुगेका छन् ।
० पार्टीभित्र तपाईं, माधव नेपाल र केपी ओलीको मन मिलेको छ ?
– अहिले हामी सबै नेताहरुको मन मिलेको छ । हामी एक मन एक चित्त भएर एमालेलाई पहिलो पार्टी बनाउन लागेका छौँ । हामी ब्यवहारमा एक छौँ ।
० अग्रस्थानमा एमाले रहेको आधार के ?
– हाम्रो पार्टीको लोकप्रियता, सहि सिद्धान्त, कार्यदिशा, नीतिहरु, राष्ट्रियताको पक्षमा हाम्रो निरन्तरको अडान, लोकतन्त्र र जनजीविकाको सवालमा हामीले उठाईरहेको आवाजहरु र हामीले गर्दै आएको संघर्ष पुर्ण परम्परा र अहिले नेपाली समाजलाई रुपान्तरण गर्ने गरी हामीले राखेको विचारहरु, राज्यको पुनःसंरचनाको सवालमा हामीले राखेको विचारहरुनै एमालेले सबै भन्दा ठूलो पार्टी बनाउने आधार हो ।
० एमाओवादीले त तपाईहरुलाई तेस्रो चौथो पार्टी भनेको छ नि ?
– जसले हाम्रो पार्टीलाई चौथो पाचौँ र छैठौँ नम्बर दिन्छन् । उनीहरु आफै कुन नम्बरमा पुग्छन् हेर्दै जानुहोला । इतिहासको नियम कडा हुन्छ ।
० एमाले एक नम्बर भएन भने के गर्नुहुन्छ ?
– नेकपा एमाले निर्वाचनबाट एक नम्बर पार्टी हुन्छ त्यसमा केही गर्नु नगर्नु पर्ने आवश्यकतै छैन ।
० एमालेका शिर्ष नेताहरुले प्रत्यक्ष चुनाव नलड्ने निर्णय गर्नुभएको हो ?
– विल्कुल होइन । पार्टीको शिर्षस्थ नेतृत्वमा रहनु भएका अधिकांश नेताहरु प्रत्यक्ष तर्फबाट चुनाव उठ्नु हुन्छ । म इलाम क्षेत्र नम्बर १ बाटै उठ्छु ।
० मंसिर ४ मा निर्वाचन नै हुने अवस्था छैन कसरी एक नम्बर बन्नुहुन्छ ?
– चुनाव त हुनै पर्छ । मंसिर ४ मा चुनाव भएन भने त नेपालमा चुनावै हुँदैन ।
० नेकपा–माओवादीले चुनाव रोक्यो भने ?
– चुनाव कसैले रोकेर रोकिँदैन । निर्वाचन घोषणा भईसक्यो । अब मंसिर ४ मा संविधानसभाको निर्वाचन हुन्छ । त्यसले देशलाई परिणाम दिन्छ ।
० नेकपा–माओवादीले चुनाव भाड्न सक्दैन ?
– भाड्न खोजे त्यसको औषधी उपचारहरु सबै गरिन्छ ।
० कस्तो उपचार ?
– प्रशासनले उपचार गर्छ नि ।

९ श्रावण २०७०, बुधबार २३:०१ मा प्रकाशित

प्रतिकृया दिनुहोस

विशेष

सबै

अमेरिकामा एकै दिन थपिए ९१ हजार ५३ कोरोना संक्रमित

न्यूयोर्क । हिजो बिहीबार अमेरिकामा ९१ हजार ५० जना कोरोना भाइरसका संक्रमित थप भएका छन् । यो अहिलेसम्मकै संक्रमितको संख्या बढी हो ।..

मुकेश चौरसिया हत्याको किटानी जाहेरी दर्ता

पर्सा । पर्साको बिन्दाबासिनी गाँउपालिकाका नेकपा कार्यकर्ता मुकेश चौरसियाको हत्याको किटानी जाहेरी आज प्रहरीले..

चन्द समूहका कम्पनी कमिसारसहित दुई जना पक्राउ

काठमाडौं । नेत्रविक्रम चन्द समूहका कम्पनी कमिसारसहित दुई जनालाई मोरङ प्रहरीले पक्राउ गरेको छ । पक्राउ पर्नेमा..

चितवनमा सङ्कलित प्लाज्मा अन्य जिल्लामा

क्षेत्रीय रक्तसञ्चार केन्द्र भरतपुरले सङ्कलित कोभिड–१९ सङ्क्रमण भई निको भएकाका प्लाज्मा अन्य जिल्लामा पठाउन..

प्रहरीको गोलीबाट अश्वेत व्यक्तिको मृत्यु भएपछि अमेरिकाको फिलाडेल्फियामा तनाव

न्यूयोर्क । अमेरिकाको पेन्सिलभेनिया राज्यस्थित फिलाडेल्फिया शहरमा प्रहरीको गोली लागेर अश्वेत व्यक्तिको..