बेलायती प्रधानमन्त्री क्यामरुनलाई ज्ञापनपत्र बुझाउने गोर्खाको तयारी

धर्मराज अधिकारी, लण्डन  २५ चैत्र ।  बेलायती सेनामा कार्यरत पूर्व गोर्खा आर्मीहरुले आफुहरुमाथि मानव अधिकार उल्लंघन भएको बताउँदै अप्रिल २४ मा प्रधानमन्त्री डेबिड क्यामरुनलाई भेट्ने भएका छन् । अप्रिल २४ गोर्खा सैनिकका लागि पिडादायी दिन भएको स्मरणमा विरोध स्वरुप प्रधानमन्त्री क्यामरुनलाई उनीहरुले भेट्ने भएका हुन् । प्लमस्टिडस्थित समाजसेवी कृष्ण आलेको निवासमा शुक्रबार भेला भएका गोर्खाहरुले १० डाउनीङ स्ट्रिटमा २४ अप्रिलको १२ बजे नै भेला भई क्यारुमनलाई ज्ञापनपत्र समेत बुझाउने जानकारी दिए ।
ज्ञापनपत्रमा रिडन्डेन्सीमा परेकाहरुलाई पेन्सन दिनुपर्ने, नेपाली संस्कार अनुसार १८ वर्ष उमेर नाघेका छोराछोरीहरुलाई बेलायत आउने वातावरण बनाउनुपर्ने र समान पेन्सनको मागलाई उठाइने आन्दोलनको अगुवाई गरीरहेकी मानवअधिकारकर्मी बबी वासले बताइन् । बेलायती सरकारले गोर्खाहरुमाथि ठुलो विभेद गरेको बताउँदै उनले त्यसका विरुद्ध आन्दोलनलाई सशक्त बनाइने समेत जानकारी दिइन् ।

 

शरणार्थीका छोराछोरीहरुलाई बेलायत ल्याउँदा कुनै कठिनाई नहुने तर बेलायती साम्राज्यको लागि लडिरहेका गोर्खाहरुको परिवार छुट्याएर राख्ने बेलायती विभेदकारी नीति मानवअधिकार विरोधी भएको उनीहरुले गुनासो गरे । सेनामा प्रवेश गर्दा खाएको कसमले पनि आफुहरु बेलायती सेना भएकोले सो सरह नै व्यवहार गर्न उनीहरुले आग्रह गरे । कैयौं गोर्खाहरुलाई लडाईका क्रममा घाइते भएपछि खाली खुट्टा नेपाल फर्काएकोमा उनीहरुले आक्रोश पोखेका थिए । यस्तै चपेटामा परेका फष्ट १० जीआरका दिल बहादुर थापा एम एमले आफुलाई बेलायती सरकारले तुच्छ व्यवहार गरेको बताए ।

 

छोराछोरी साथमा नहुँदा भाषाको समस्याका कारण औषधोउपचारमा कठिनाई भएकोले आफूहरुलाई ठुलो समस्या परेको उनीहरुले जनाए । बृद्ध गोर्खाहरुले दुखेसो पोख्दै भने कैयौं साथीहरुले औषधी खानै नजानेर पनि समस्या झेलीरहेको छन् ।

 

बबी वासन हयुमन राइट्स गोर्खा प्रोजेक्टका अध्यक्ष हर्क बहादुर थापाले बेलायतको विभेदकारी नीतिको विरोधमा उत्रनुपर्नेमा जोड दिए । यो आन्दोलन गोर्खालीहरुको हितमा केन्द्रित भएकोले सबैलाई आ-आफ्नो स्वार्थ त्यागी सहभागिता जनाउन उनले आव्हान गरे । मानवअधिकारवादी यस आन्दोलनमा गोर्खालीहरुको सहभागिता जुटाउन गोर्खा प्रोजेक्टले यसअघि हन्स्लो स्विन्डन अल्डरसोट लगायतका स्थानमा गोर्खा परिवारसंग छलफल गरीसकेको जनाएको छ ।

२५ चैत्र २०६८, शनिबार १९:५७ मा प्रकाशित

प्रतिकृया दिनुहोस

विशेष

सबै

विश्वभरी कोरोना सङ्क्रमितको संख्या चार करोड ५० लाख नाघ्यो

न्युयोर्क । विश्वभरी महामारीको रुपमा फैलिएको कोरोनाभाइरसका कारण सङ्क्रमित भएकाहरुको संख्या चार करोड ५० लाखभन्दा बढी पुगेको छ ।..

फ्रान्समा ७ सय किलोमिटरसम्म ट्राफिक जाम

पेरिस । फ्रान्समा दोस्रो चरणको देशव्यापी लकडाउन आज शुक्रबार बेलुकीवाट लागू हुँदैछ । कोरोना भाइरसको दोस्रो..

अमेरिकामा एकै दिन थपिए ९१ हजार ५३ कोरोना संक्रमित

न्यूयोर्क । हिजो बिहीबार अमेरिकामा ९१ हजार ५० जना कोरोना भाइरसका संक्रमित थप भएका छन् । यो अहिलेसम्मकै..

मुकेश चौरसिया हत्याको किटानी जाहेरी दर्ता

पर्सा । पर्साको बिन्दाबासिनी गाँउपालिकाका नेकपा कार्यकर्ता मुकेश चौरसियाको हत्याको किटानी जाहेरी आज प्रहरीले..

चन्द समूहका कम्पनी कमिसारसहित दुई जना पक्राउ

काठमाडौं । नेत्रविक्रम चन्द समूहका कम्पनी कमिसारसहित दुई जनालाई मोरङ प्रहरीले पक्राउ गरेको छ । पक्राउ पर्नेमा..