बैद्यजीहरुको विरोधले फाइदै भएको छ

टोपबहादुर रायमाझी, स्थानीय विकास मन्त्री
० बाबुराम भट्टराईकै नेतृत्वमा कांगे्रस सरकारमा जाने भयो अरे नि ?
– त्यसको अर्को विकल्पै छैन । कांगे्रस, एमालेलगायतका पार्टीहरु राष्ट्रिय सहमतिको सरकारमा जानुहुन्छ ।
० राष्ट्रिय सहमतिको सरकारमा जाने आधार तयार भयो ?
– आधार बन्दै जान्छ, त्यस किसिमको विश्वास बढ्दै गइरहेको छ ।
० बैशाख दोस्रो सातासम्म शिविर खाली गर्ने सहमति भएको हो ?
– मन्त्रिमण्डलको बैठकमा त्यो निर्णय भएको होइन, सेना समायोजन विशेष समितिमा त्यो निर्णय भएको हो । त्यो निर्णय कार्यान्वयन हुन्छ । शिविर खाली हुन्छ, पछाडि फर्किने ठाउँ छैन ।
० शान्ति प्रकृया कहिलेसम्ममा निष्कर्षमा पुग्छ ?
– एकआत साताभित्र शिविर खाली हुन्छ र जेठ १४ भित्र संविधान जारी हुन्छ ।
० जेठ १४ भित्र संविधान जारी भएन भने देशले महासंकट झेल्नुपर्छ भन्नेहरु पनि छन् नि ?
– यो सत्य कुरा हो । जेठ १४ भित्र संविधान जारी भएन भने संकट सुरु हुन्छ, त्यो देशका लागि दुर्भाग्य हुन्छ । शान्ति र संविधानको विकल्प छैन । संविधान जारी भएन भने के हुन्छ भन्नेतिर हामीले सोच्नु हुँदैन ।
० तपाईंहरुको पार्टीभित्रैबाट सरकारविरुद्ध सडक संघर्ष सुरु भएको छ नि ?
– यो सरकार बनेदेखि नै त्यस्तो उद्घोष भएको हो । त्यसको कुनै प्रभाव रहेन । त्यो उद्घोषले केही फरक पनि पार्दैन । त्यो उद्घोषले सकरात्मक भूमिका खेल्छ ।
० किरणजीहरुको विरोधले अप्ठ्यारो पर्दैन ?
– अप्ठ्यारोभन्दा पनि राम्रो गर्छ भन्ने लाग्छ । शान्ति र संविधान निष्कर्षमा पुग्दैनकी भनेर चिन्ताका साथ गरिएको विरोध हो भने त्यसले शान्ति र संविधानलाई सकरात्मक दिशातिर लैजान्छ । यदि त्यो शान्ति र संविधानका लागि होइन रहेछ भने त्यो आपैm विस्फोट हुन्छ ।
० सरकारलाई बलियोकी कमजोर बनाउने खेल होला ?
– नियत राम्रै भए पनि उहाँहरुको दृष्टिकोण शान्ति र संविधानलाई भाँड्ने दिशातिर अगाडि बढेको छ । उहाँहरुको नकरात्मक चिन्तनलाई हामी सकरात्मकमा बद्ल्नुपर्छ ।
० सकरात्मक बनाउन सक्नुभएन भने ?
– केही हुँदैन, उहाँहरु विघटन हुन्छन र रुपान्तरण हुन्छन् । हामीसँग चाहिँ पछाडि फर्किने ठाउँ छैन ।

१९ चैत्र २०६८, आईतवार १२:२९ मा प्रकाशित

प्रतिकृया दिनुहोस

विशेष

सबै

अमेरिका राष्ट्रपति चुनाव : अग्रिम मतदान गर्ने संख्या बढ्दो

न्यूयोर्क । अमेरिकामा आउँदो नोभेम्बर ३ मा हुने राष्ट्रपतिको चुनावमा अग्रिम मतदान गर्नेको संख्या बढ्दो क्रममा देखिएको छ ।..

विप्लवद्वारा संघर्षका कार्यक्रम घोषणा

काठमाडौं । नेपाल कम्युनिष्ट पार्टी (नेकपा) नेत्रविक्रम चन्द (विप्लव) समूहले सरकारविरुद्ध संघर्षका कार्यक्रम..

भारतमा अलपत्र परेका १८ नेपाली बालकको उद्धार

भारतको गाजियावादमा अलपत्र परेका १८ जना नेपाली बालकलाई उद्धार गरी नेपाल फर्काइएको छ । आफन्त नेपाल भन्ने..

कोरोना संक्रमितको उपचार नगर्ने सरकारको निर्णय गैरजिम्मेवार र अनुत्तरदायी : नेपाल

काठमाडौ । सत्तारुढ नेकपाका वरिष्ठ नेता माधवकुमार नेपालले कोरोना संक्रमितको उपचार नगर्ने सरकारकोे निर्णय..

कोरोना संक्रमणबाट नेपालमा थप ६ जनाको मृत्यु

काठमाडौं । कोरोन भाइरस संक्रमणबाट नेपालमा थप ६ जनाको मृत्यु भएको छ । सुनसरीमा तीन, भक्तपुर, दाङ र रुपन्देहीमा..