बेपत्ता र सत्यनिरुपण आयोग गठनका लागि सहमति

काठमाडौ, १७ चैत । प्रमुख तीन दलको आजको बैठकमा बेपत्ता छानबिन आयोग र सत्यनिरुपण तथा मेलमिलाप आयोग तत्काल गठन गर्न दलहरु सहमतिमा पुगेका छन् । सिंहदरवारस्थित शान्ति मन्त्रालयमा बसेको बैठकले आयोग निर्माणको कार्यविधि र अवधारणा बनाउनका लागि तीन सदस्यीय कार्यदल गठन गरेको छ । कार्यदलमा नेपाली एकीकृत नेकपा माओवादीका खिमलाल देवकोटा, नेपाली काङ्ग्रेसका रमेश लेखक र नेकपा एमालेका अग्नि खरेल रहनुभएको छ । काङ्ग्रेस उपसभापति रामचन्द्र पौडेलले बैठकमा उच्चस्तरीय सत्यनिरुपण तथा मेलमिलाप आयोग गठन गर्ने, सर्वोच्च अदालतका पूर्व न्यायाधीशहरु आयोगमा रहने, राजनीतिक सहमतिका आधारमा आयोग गठन गर्ने सहमति भएको जानकारी दिनुभयो । उहाँले घटना र अपराधको प्रकृति हेरी क्षमादान दिने, तर जघन्य अपराधको हकमा भने क्षमादान नदिइ कानुनी कारबाहीका लागि सिफारिस गर्ने सहमति बैठकमा भएको बताउनुभयो । एमाले उपाध्यक्ष बामदेव गौतमले नेपालको कानुन र नेपाल पक्षधर रहेको अन्तर्राष्ट्रिय कानुनअनुरुप सत्यनिरुपण  विधेयक बनाउने सहमति भएको बताउनुभयो । एकीकृत नेकपा(माओवादी)का खिमलाल देवकोटाले पहिले सत्यतथ्य छानबिन गर्ने र त्यसपछि मात्रै घटनाको प्रकृति हेरी क्षमादान दिने वा नदिने भनी निर्णय गर्ने गरी आयोगको कार्यविधि तय गर्ने सहमति भएको उल्लेख गर्नुभयो ।

१८ चैत्र २०६८, शनिबार ०७:३२ मा प्रकाशित

प्रतिकृया दिनुहोस

Email Subscription

विशेष

सबै

११ सय बढीको कोरोना परीक्षण, ९९ जना आईसोलेसनमा

काठमाडौँ, १९ चैत्र । स्वास्थ्य मन्त्रालयले १ हजार १३३ जनामा कोरोना भाइरसको परीक्षण गरिएको जनाएको छ । मन्त्रालयका प्रवक्ता डा. विकास..

वीर अस्पतालमा मृत्यु भएका दुबैको रिपोर्ट नेगेटिभ

काठमाडौँ, १८ चैत्र । वीर अस्पतालमा मृत्यु भएका दुई जनामा कोरोना भाइरसको संक्रमणको आशंका गरिएपनि उनीहरुको..

कोरोना रोक्न सरकारले बनायो ७ कार्यदल, कुनमा कसको नेतृत्व ?

निरोज कुमार थापा, काठमाडौँ, ९ चैत्र । सरकारले कोरोना भाइरस रोग रोकथामको पूर्व तयारी सकिएको भन्दै कार्यान्वयनमा..

देशैभरका अदालत २ हप्ताका लागि बन्द

काठमाडौँ, ७ चैत्र । देशभरका अदालत आगामी २ हप्ताका लागि बन्द भएका छन् । शुक्रबार सर्वोच्च अदालतमा..

राष्ट्रिय सभाले नै मानेन सरकारी निर्णय

निरोज कुमार थापा, काठमाडौँ, ६ चैत्र । राष्ट्रिय सभाले सरकारी निर्णयको अवज्ञा गर्दै बैठक सञ्चालन गरेको छ ।..