संविधानसभामा थप एक दिन राज्यपुर्नसंरचना आयोगको प्रतिवेदनमाथिको छलफल जारी रहने

काठमाडौ, १६ चैत । राज्य पुनःसंरचना उच्चस्तरीय आयोगको प्रतिवेदनमाथि संविधानसभामा जारी छलफल अझै एक दिन लम्बिने भएको छ । आजसम्मकोलागी छलफलको समय तोकिए पनि सभासदहरुले धारणा राख्ने क्रम नसकिएकोले भोली एक दिन थप छलफल गर्न लागिएको हो ।  आजको बैठकमा सभासद्हरुले राज्य पुनःसंरचना आयोगको प्रतिवेदनले निकास दिन नसकेका कारण राजनीतिक सहमतिमै कम प्रदेश बनाउनुपर्ने बताएका छन् ।  एकीकृत माओवादीकी हिसिला यमीले सामथ्र्यलाई भन्दा पनि पहिचानलाई मुख्य आधार बनाएर सङ्घीयतामा जानुपर्ने तर्क गर्नुभयो । नेकपा एमालेका विष्णु पौडेलले आयोगको प्रतिवेदनले राज्य पुनःसंरचनाको विषयलाइ झनै विवादित बनाइदिएकाले संविधानसभाभित्र राजनीतिक सहमति कायम गर्नुपर्ने बताउनुभयो । आयोगले बनाएको सिमाङ्कन उदेकलाग्दो भन्दै उहाँले प्रदेशको सिमाङ्कन र सङ्ख्या निर्धारण गर्दा सामथ्र्यलाई महत्व दिनुपर्ने बताउनुभयो ।
नेपाली काङ्गे्रसका जीवनप्रेम श्रेष्ठले आयोगको प्रतिवेदन अव्यावहारिक रहेकोले यसबाट सङ्घीयताको निर्णय गर्न नसकिने बताउनुभयो । उहाँले आयोगको प्रतिवेदन विवादित र व्यर्थ भएका कारण बढिमा सात प्रदेश बनाउनु पर्ने धारणा राख्नुभयो । श्रेष्ठले एक मधेस प्रदेश स्वीकार्न नसकिने बताउनुभयो । मधेसी जनअधिकार फोरम लोकतान्त्रिकका ओमप्रकाश यादवले आयोगको प्रस्ताव आफूहरुका लागि अस्वीकार्य भएको भन्दै समग्र मधेस एक स्वायत्त प्रदेश बनाउनुपर्ने माग गर्नुभयो । फोरम नेपालका रामसहायप्रसाद यादवले आयोगको प्रतिवेदनले सङ्घीयताको नाममा केन्द्रीयता लाद्न खोजेको आरोप लगाउनुभयो ।
यसैबीच, आयोगको प्रतिवेदनमाथि संविधानसभामा छलफल एकदिन लम्बिने भएको छ । यसअघि छलफलका लागि चार दिन समय छुट्टाएपनि आयोगको प्रतिवेदनमाथि थप छलफल हुनुपर्ने सभासद्हरुको मागका कारण छलफल एकदिन लम्बाइएको संविधानसभा सचिवालयले जनाएको छ ।

१६ चैत्र २०६८, बिहीबार ०८:४० मा प्रकाशित

प्रतिकृया दिनुहोस

Email Subscription

विशेष

सबै

११ सय बढीको कोरोना परीक्षण, ९९ जना आईसोलेसनमा

काठमाडौँ, १९ चैत्र । स्वास्थ्य मन्त्रालयले १ हजार १३३ जनामा कोरोना भाइरसको परीक्षण गरिएको जनाएको छ । मन्त्रालयका प्रवक्ता डा. विकास..

वीर अस्पतालमा मृत्यु भएका दुबैको रिपोर्ट नेगेटिभ

काठमाडौँ, १८ चैत्र । वीर अस्पतालमा मृत्यु भएका दुई जनामा कोरोना भाइरसको संक्रमणको आशंका गरिएपनि उनीहरुको..

कोरोना रोक्न सरकारले बनायो ७ कार्यदल, कुनमा कसको नेतृत्व ?

निरोज कुमार थापा, काठमाडौँ, ९ चैत्र । सरकारले कोरोना भाइरस रोग रोकथामको पूर्व तयारी सकिएको भन्दै कार्यान्वयनमा..

देशैभरका अदालत २ हप्ताका लागि बन्द

काठमाडौँ, ७ चैत्र । देशभरका अदालत आगामी २ हप्ताका लागि बन्द भएका छन् । शुक्रबार सर्वोच्च अदालतमा..

राष्ट्रिय सभाले नै मानेन सरकारी निर्णय

निरोज कुमार थापा, काठमाडौँ, ६ चैत्र । राष्ट्रिय सभाले सरकारी निर्णयको अवज्ञा गर्दै बैठक सञ्चालन गरेको छ ।..