माओवादी केन्द्रीय समिति बैठक स्थगित

काठमाडौ, १३ चैत । एकीकृत नेकपा माओवादी सस्थापन पक्षले बोलाएको आजको केन्द्रीय समिति बैठक स्थगित भएको छ । अपरान्ह २ बजेको लागी पार्टी कार्यालय कोटेश्वरमा बोलाईएको बैठकमा उपाध्यक्ष मोहन वैद्यसमूहले पार्टी नेतृत्व र सरकारकाविरुद्ध सुरु गरेको दवाव अभियान, उसको मोर्चाबन्दीका विषयमा छलफल हुने कार्यक्रम रहेको थियो । आजको बैठकमा वैद्यपक्ष भने सहभागि नहुने भएपछि आन्तरिक कारण जनाउँदै माओवादीले बैठक स्थगित गरेको हो ।
माओवादी प्रवक्त एवम शिक्षा मन्त्री दिनानाथ शर्माले बैद्य पक्षलाई पनि सहभागी गराउने प्रयास जारी रहेको, संविधानसभाको बैठक जारी रहेको र आन्तरिक तयारी समेत नपुगेकोले अर्को दिन पुन बस्ने गरी बैठक स्थगित गरिएको जानकारी दिए । प्रधानमन्त्रीले राजीनामा नदिएसम्म वैठक बस्नुको औचित्य नरहेको भन्दै वैद्य समूहले छलफलमा नआउने स्पष्ट पारिसकेको थियो ।
बैठकमा शान्ति र संविधानलाई केन्द्रित गरेर अध्यक्ष पुष्पकमल दाहाल प्रचण्डले बुदागत प्रस्ताव राखेपछि त्यसलाई केन्द्रित गरेर वैद्यपक्ष विरुद्ध संघर्षका कार्यक्रम ल्याउने तयारी भएको थियो ।
वैद्य समूहभित्रै पनि पार्टीभित्रै संघर्ष गर्ने र पार्टी फुटाउनै पर्ने दुई धार रहकाले पार्टींभित्रै संघर्ष गर्नेहरुलाई मिलाउन रणनीति तयार गर्ने तयारी संस्थापन पक्षको थियो । सस्थापनपक्षले वैद्यपक्षले चलाएको आन्दोलनलाई निस्तेज पार्न गाउँ तहसम्मका जनपरिचालनका कार्यक्रम ल्याउने तयारी गरे थियो । संस्थापन पक्षको आजको बैठकलाई हेरेर वैद्य समूहले पनि भोलि छुट्टै केन्द्रीय समिति बोलाउने तयारी गरेको थियो । तर बैठक स्थगित भएपछि तत्कालको लागी त्यस्तो अवस्था टरेको छ ।

१३ चैत्र २०६८, सोमबार ०९:०९ मा प्रकाशित

प्रतिकृया दिनुहोस

Email Subscription

विशेष

सबै

११ सय बढीको कोरोना परीक्षण, ९९ जना आईसोलेसनमा

काठमाडौँ, १९ चैत्र । स्वास्थ्य मन्त्रालयले १ हजार १३३ जनामा कोरोना भाइरसको परीक्षण गरिएको जनाएको छ । मन्त्रालयका प्रवक्ता डा. विकास..

वीर अस्पतालमा मृत्यु भएका दुबैको रिपोर्ट नेगेटिभ

काठमाडौँ, १८ चैत्र । वीर अस्पतालमा मृत्यु भएका दुई जनामा कोरोना भाइरसको संक्रमणको आशंका गरिएपनि उनीहरुको..

कोरोना रोक्न सरकारले बनायो ७ कार्यदल, कुनमा कसको नेतृत्व ?

निरोज कुमार थापा, काठमाडौँ, ९ चैत्र । सरकारले कोरोना भाइरस रोग रोकथामको पूर्व तयारी सकिएको भन्दै कार्यान्वयनमा..

देशैभरका अदालत २ हप्ताका लागि बन्द

काठमाडौँ, ७ चैत्र । देशभरका अदालत आगामी २ हप्ताका लागि बन्द भएका छन् । शुक्रबार सर्वोच्च अदालतमा..

राष्ट्रिय सभाले नै मानेन सरकारी निर्णय

निरोज कुमार थापा, काठमाडौँ, ६ चैत्र । राष्ट्रिय सभाले सरकारी निर्णयको अवज्ञा गर्दै बैठक सञ्चालन गरेको छ ।..