आयोगको प्रतिवेदनमाथि छलफल गर्न संविधानसभा बैठक आज

काठमाडौ, १२ चैत । राज्यपुनर्संरचना सुझाव आयोगको प्रतिवेदनको बारेमा छलफल गर्न संविधानसभाको बैठक आज बस्दै छ । संविधानसभा भवन नयाँवानेश्वरमा दिउँसो ३ बजेपछि सुरु हुने बैठकमा आज संविधानसभाध्यक्ष सुवास नेम्वाङ्ले राज्यपुनर्संरचना सुझाव आयोगको प्रतिवेदन टेवल गर्ने कार्यक्रम छ । सुझाव आयोगको प्रतिवेदनको बारेमा भने भोलिदेखि मात्र छलफल सुरु हुने संसद सचिवालय स्रोतले जनाएको छ । यसअघि संविधानसभाध्यक्ष नेम्वाङले अस्ति संविधानसभाको राज्यपुनर्संरचना समितिका सदस्यहरुसँग छलफल गर्नु भएको थियो । सुझाव आयोगले प्रतिवेदन बुझाएको झण्डै दुई महिनापछि संविधानसभामा छलफल हुन लागेको हो । संविधानसभा नियमावलीमा सहमति जुटन नसक्दा आयोगको प्रतिवेदनमाथी छलफलमा ढिला भएको हो । आयोगको प्रतिवेदन प्रधानमन्त्री वाबुराम भट्टराईले माघ १९ गते संविधानसभाध्यक्षलाई हस्तान्तरण गर्नुभएको थियो । राज्यपुनर्संरचना सुझाव आयोगले अल्पमत र बहुमतका दुई छुट्टाछुट्टै प्रतिवेदन माघ १६ मा प्रधानमन्त्रीलाई बुझाएको थियो । आयोग संयोजक मदन परियारसहितका बहुमत सदस्यले ११ र डा रमेश ढुङ्गेलसहितका तीन सदस्यले ६ प्रदेशको खाका सहित प्रतिवेदन बुझाएका थिए ।
यसैबीच संविधानसभा कार्यव्यबस्था परामर्श समितिको बैठकपनि आज दिउँसो बस्दैछ । संविधानसभा भवनमा दिउसो एक बजे बस्ने बैठकले संवैधानिक समितिलाई सहमतिका लागि थप समय लपलव्ध गराउने निर्णय गर्ने एमाले सभासद उषाकला राईले जानकारी दिनुभयो । संवैधानिक समितिको अस्ति बसेको बैठकले राजनीतिक सहमतिका लागि ५ दिनको समय माग्ने निर्णय गरेको थियो ।

१२ चैत्र २०६८, आईतवार ०९:१३ मा प्रकाशित

प्रतिकृया दिनुहोस

Email Subscription

विशेष

सबै

११ सय बढीको कोरोना परीक्षण, ९९ जना आईसोलेसनमा

काठमाडौँ, १९ चैत्र । स्वास्थ्य मन्त्रालयले १ हजार १३३ जनामा कोरोना भाइरसको परीक्षण गरिएको जनाएको छ । मन्त्रालयका प्रवक्ता डा. विकास..

वीर अस्पतालमा मृत्यु भएका दुबैको रिपोर्ट नेगेटिभ

काठमाडौँ, १८ चैत्र । वीर अस्पतालमा मृत्यु भएका दुई जनामा कोरोना भाइरसको संक्रमणको आशंका गरिएपनि उनीहरुको..

कोरोना रोक्न सरकारले बनायो ७ कार्यदल, कुनमा कसको नेतृत्व ?

निरोज कुमार थापा, काठमाडौँ, ९ चैत्र । सरकारले कोरोना भाइरस रोग रोकथामको पूर्व तयारी सकिएको भन्दै कार्यान्वयनमा..

देशैभरका अदालत २ हप्ताका लागि बन्द

काठमाडौँ, ७ चैत्र । देशभरका अदालत आगामी २ हप्ताका लागि बन्द भएका छन् । शुक्रबार सर्वोच्च अदालतमा..

राष्ट्रिय सभाले नै मानेन सरकारी निर्णय

निरोज कुमार थापा, काठमाडौँ, ६ चैत्र । राष्ट्रिय सभाले सरकारी निर्णयको अवज्ञा गर्दै बैठक सञ्चालन गरेको छ ।..