टुडिखेलको घोडे जात्रा

काठमाडौं, ९ चैत । राष्ट्रपति डा.रामवरण यादव सैनिक मञ्च टुडिखेल जानुभई नेपाली सेनाले त्यहाँ आज आयोजना गरेको परम्परागत घोडेजात्रा कार्यक्रमको अवलोकन गरेका छन् । राष्ट्रपति डा. यादव नेपाली सेनाका परमाधिपति हुनुहुन्छ ।

समारोहमा राष्ट्रपति डा. यादवले त्यस अवसरमा प्रस्तुत गरिएको शो जम्प प्रतियोगितामा प्रथम हुने सहसेनानी राजेन्द्र बानियाँ र द्वितीय हुने हुद्दा राजेन्द्र थापा तथा म्युजिकल राइडमा प्रथम हुने सहसेनानी विक्रमदेव थापा र द्वितीय हुने सहसेनानी उमेश पुरीलाई पुरस्कार प्रदान गरेका थिए ।

समारोहमा घोडा दौड प्रतियोगिताअन्तर्गत टाँगन, चार्जर, शो जम्प, क्रस टेन्ट पेगिङ, हर्ष बल, फायर जम्पसहित विभिन्न १९ किसिमका खेल प्रस्तुत गरिएको थियो ।

टुँडिखेलको दक्षिण–पूर्वस्थित रूखमा बस्ने गुरुमापा भन्ने राक्षसले सहरका बालबालिकालाई खाने गरेको र त्यसबाट पीडित सहरवासीले उसलाई मारे पनि प्रेतात्मा फेरि जागा भई बालबालिकालाई अनिष्ट गर्नसक्ने भयले गुरुमापाको आत्मालाई घोडाको टापले कुल्चाएर दबाउने सिलसिलामा घोडेजात्रा पर्व प्रारम्भ भएको मानिन्छ ।

सहरका कुनै पनि बालबालिकामाथि अनिष्ट नहोस् भनी आजै राति त्यही रूखको फेदमा गुरुमापालाई खानेकुरा पनि दिइने चलन रहिआएको छ । सोही घटनाको सम्झनामा काठमाडौँ उपत्यकामा प्रत्येक वर्ष चैतकृष्ण औँसीका दिन परम्परागत घोडेजात्रा पर्व मनाइँदै आइएको छ ।

उपराष्ट्रपति परमानन्द झा, प्रधानमन्त्री डा.बाबुराम भट्टराई, प्रधानन्यायाधीश खिलराज रेग्मी, सभामुख सुवास नेम्वाङ समारोहमा उपस्थित भई घोडेजात्रा कार्यक्रमको अवलोकन गरेका थिए ।

नेपाल सरकारका मन्त्रीहरू, सभासद्, संवैधानिक निकायका प्रमुख एवम् पदाधिकारी, नेपाल सरकारका उच्चपदस्थ अधिकारी, सुरक्षा निकायका प्रमुख एवम् समाजका विभिन्न क्षेत्रका विशिष्ट महानुभाव घोडेजात्रा हेर्न सैनिकमञ्च टुँडिखेल पुगेका थिए ।

घोडेजात्रा हेर्न टुँडिखेल वरपर सर्वसाधारणको घुइँचो लागेको थियो । सैनिकमञ्च टुँडिखेलमा भएको घोडेजात्रा कार्यक्रमको टेलिभिजन, एफएमलगायतका विद्युतीय सञ्चारमाध्यमले प्रत्यक्ष प्रसारण गरेका थिए ।

सरकारले काठमाडौँ उपत्यकाभित्रका सबै सरकारी कार्यालयलाई आज सार्वजनिक बिदा दिएको छ । (रासस)

९ चैत्र २०६८, बिहीबार २३:५२ मा प्रकाशित

प्रतिकृया दिनुहोस

Email Subscription

विशेष

सबै

तुम्बाहाम्फेले सम्हालिन कानुनमन्त्रीको कार्यभार

काठमाडौँ, ५ फाल्गुण । नवनियुक्त कानून, न्याय तथा संसदीय मामिलामन्त्री डा. शिवमाया तुम्बाहाङ्फेले कार्यभार सम्हालेकी छिन् ।..

भ्रमण वर्ष सफल बनाउन रामेछाप महोत्सवः संयोजक रोका

रामेछाप, ५ फाल्गुण । रामेछाप जिल्ला सदरमुकाम मन्थलीमा आयोजना हुने ‘दोस्रो रामेछाप महोत्सव’को तयारी करिब सकिएको..

महरा विरुद्दको मुद्दामा फैसला भएन

काठमाडौँ, ४ फाल्गुण । निवर्तमान सभामुख कृष्ण बहादुर महराविरुद्दको बलात्कार प्रयासको मुद्दामा आइतबार पनि फैसला..

व्यक्तिले हडपेको सरकारी जग्गामा मन्त्री अर्यालले गाडीन् साइन बोर्ड

काठमाडौँ, ४ फाल्गुण । व्यक्तिले हडपेको १७ रोपनी जग्गा सरकारले फीर्ता ल्याएको छ । काठमाडौं महानगरपालिका ३१ स्थित..

चीनबाट फर्काइएका नेपालीलाई खरिपाटी लगियो

काठमाडौँ, ४ फाल्गुण । कोरोना भाइरसको उद्गमथलो चीनको वुहान शहरबाट १७५ जना नेपालीको उद्वार गरिएको छ । उनीहरु..