एसएलसी परीक्षा आजदेखि

प्रकृति अधिकारी, काठमाडौँ: एसएलसी परीक्षाको पर्खाइमा बसेका देशभरिका पाँच लाख २८ हजार २५७ विद्यार्थीले मङ्गलबार अनिवार्य अङ्ग्रेजी विषयको परीक्षा दिँदैछन्। चैत १७ गतेसम्म सञ्चालन हुने सो परीक्षामा जम्मा ५८ विषयको परीक्षा हुन्छ। यो ७९औँ एसएलसी परीक्षा हो।

परीक्षा नियन्त्रण कार्यालयका अनुसार नियमिततर्फ चार लाख ४६ हजार १६६ र एक्जाम्टेडतर्फ ८२ हजार ९१ परीक्षार्थी सम्मिलित हुने भएका छन्। यस वर्ष एसएलसी सेन्टअप परीक्षामा अनुत्तीर्ण गर्न नपाइने नियमलाई कार्यान्वयन गरिएकाले कक्षा १० मा अध्ययन गरेका प्रायः सबै विद्यार्थी नियमिततर्फबाट परीक्षामा सम्मिलित हुँदैछन्। यसैगरी देशभरिका ८५ वटा खुला विद्यालयबाट करिब १० हजारले परीक्षा दिने बताइएको छ।

सबैभन्दा बढी विद्यार्थी काठमाडौँ जिल्लाका छन्। पनिकाका अनुसार काठमाडौँमा कुल ३४ हजार १४ परीक्षार्थी छन्। काठमाडौँमा दुईजना विदेशी मूलका परीक्षार्थी पनि रहेको जनाइएको छ। यसैगरी सबैभन्दा कम मनाङका १०५ परीक्षार्थीले परीक्षा दिँदैछन्। सो जिल्लामा एक्जाम्टेडतर्फ महिला परीक्षार्थी छैनन्। परीक्षाका लागि देशभरि एक हजार ७४८ परीक्षाकेन्द्र कायम गरिएको छ। सबैभन्दा बढी परीक्षाकेन्द्र काठमाडौँमा ८४ वटा छन्। परीक्षाका लागि करिब ५६ हजार जनशक्ति परिचालन गरिने भएको छ। हरेक परीक्षा केन्द्रमा १० जनाका दरले सुरक्षाकर्मी खटाइएको छ।

जनक शिक्षा सामग्री केन्द्रको परिसरमा रहेको सुरक्षण शैक्षिक मुद्रणालयमा ३० दिन लगाएर करिब ९६ लाख प्रति प्रश्नपत्र छापिएको छ। परीक्षा सञ्चालन र नतिजा प्रकाशन गर्न परीक्षा नियन्त्रण कार्यालयले प्रतिविद्यार्थी करिब एक हजार रुपियाँ खर्च गर्नेछ। परीक्षा नियन्त्रक डिल्लीराम रिमालले शान्तिपूर्ण, मर्यादित र व्यवस्थित रूपमा परीक्षा सञ्चालन हुनेमा आफूहरू विश्वस्त रहेको बताउनुभयो।

उहाँले बदमासी गर्ने वा गर्न खोज्नेलाई नियमअनुरूप कारबाही गर्न निर्देशन दिइसकिएको स्पष्ट गर्नुभयो। शिक्षा नियमावलीमा परीक्षामा बदमासी गर्ने वा गर्न खोज्नेलाई बढीमा एक लाख रुपियाँसम्म जरिवाना वा ६ महिनासम्म कैद वा दुवै हुनसक्ने स्पष्ट व्यवस्था छ।

७ चैत्र २०६८, मंगलवार २२:५६ मा प्रकाशित

प्रतिकृया दिनुहोस

Email Subscription

विशेष

सबै

राष्ट्रिय सदस्य प्रधानमन्त्री बन्न सक्ने गरी संविधान संशोधनको तयारी

काठमाडौँ, ११ फाल्गुण । सत्तारूढ दल नेकपाले राष्ट्रियसभा सदस्य प्रधानमन्त्री बन्न मिल्ने गरी संविधान संशोधनको गृहकार्य गर्न कमिटी..

काँग्रेसको छाँया मन्त्रिपरिषदको पहिलो बैठक बस्यो, के के भए निर्णय ?

काठमाडौँ, ११ फाल्गुण । नेपाली काँग्रेसले बनाएको छाँया मन्त्रिपरिषदको पहिलो बैठक बसेको छ । बैठकले सबै..

बालुवाटार जग्गा प्रकरणः ३४ जना प्रतिवादीका नाममा उपस्थित हुन म्याद जारी

काठमाडौँ, ११ फाल्गुण । विशेष अदालतले बालुवाटारको सरकारी जग्गा हिनामिना प्रकरणमा १७५ प्रतिवादीमध्ये ३४ जनालाई..

प्रचण्डले भने, ‘गल्ती गर्नेलाई पार्टीले छुट दिँदैन’

चितवन, १० फाल्गुण । सत्तारुढ नेपाल कम्युनिस्ट पार्टी (नेकपा) का अध्यक्ष पुष्पकमल दाहाल प्रचण्डले गल्ती गर्नेले..

महाशिवरात्रीमा पशुपतिः चारै ढोका खोलिए, लाखौ भक्तजनको लाइन

काठमाडौँ, ९ फाल्गुण । महाशिवरात्री पर्वका अवसरमा काठमाडौँको पशुपतिनाथ मन्दिरलमा भक्तजनको बिहानैदेखि भीड..