काठमाडौ, २० असार । नेपाली कांग्रेस र नेकपा एमाले सहितका विपक्षी दलहरुले सरकारले अध्यादेश मार्फत ल्याउन लागेको बजेटलाई अनुमोदन नगर्न राष्ट्रपतिलाई आग्रह गरेका छन् । राष्ट्रपति डाक्टर रामवरण यादवलाई राष्ट्रपति भवन सितल निवासमा ज्ञापनपत्र बुझाउँदै विपक्षी दलका शीर्ष नेताहहरुले काम चलाउ सरकारले बजेट ल्याउन नमिल्ने बताएका हुन् । उनीहरुले प्रधानमन्त्री डा बाबुराम भट्टराईले तत्काल राजिनामा दिएर बाटो खुल्ला गर्नुपर्ने माग पनि गरेका छन् ।
